我依加只係用緊一隻手打字……我隻左手痛到郁唔到……

岩岩同異性fd同bf食飯時，個fd係我青梅竹馬，好細就一齊玩開，咁多年無見，咪出黎吹下水，順便介紹比男友識。唔知係咪同個fd傾得太開心，bf好似黑哂面咁。

食完飯後，我同bf番屋企，行到平時條斜坡到，bf突然好大力咁堆我，我成個人跌左落地，碌左幾碌，撞到左手左腳都瘀哂，痛到喊左出黎! 係個刻，我都唔信係bf故意推我，但當佢扶我起身，佢好大聲咁罵我「你以後都唔好同其他男仔傾到咁熟呀!」我真係唔明白佢係因為咁而向我發脾氣，完全唔明白我同fd既交情，仲要推我落地教訓我!

同男仔傾計又有咩問題? 拍拖唔可以有正常交際嗎? 佢夠成日都同d女仔食飯傾計啦，點解只可以佢開心，我唔可以? 真係雙重標準!