我想知道，我既遭遇，係咪正常架……真係要我全盤接受咩?

我女友係個有d古怪既女仔，有時會扭下計，有d刁蠻，但都算係可愛既，唯獨我好唔中意佢一樣野，就係我所有既whats app, wechat, email都要比佢check住，連密碼都要比埋佢，我話呢d係我私隱，唔想比，佢就會發睥氣，話佢有權要知道我依加同過去既一切。我堅持唔比，佢就屈我有唔見得光既情史，係出面搵第二個…但我覺得再親密既伴侶，都應該有自己既私人空間，更何況手機、email係我既，點解佢要當係佢自己既野，每一樣野都check住?

呢樣都唔算最討厭，佢呢排仲要我全數上繳哂我份人工比佢黎管，總之用親錢都要佢批准先得。我平時番工生活，不時都會有突發既應酬同人情來往，點可能次次都預先同佢講好我要點洗錢?同佢講又唔聽，淨係識得係到喊同疑神疑鬼!