成功戒煙個案
成功個案 1
個人檔案 : 阿健(化名)
性別 :
年齡 : 21歲
開始吸煙年齡 : 17歲
吸煙數量 : 10 支
吸煙原因
減壓、習慣
戒煙原因
想有更健康的身體打拳賽;
已食十多年煙的爸爸因患病而戒煙成功
強項
家人、 女朋友、拳館的師兄弟、朋友支持
愛上左泰拳呢個運動啊,比賽嗰啲咁,就覺得好似真係對自己個身體都有影響喎,咁就索性不如真係唔好食啦,因為其實我食煙話長唔長,話短唔短有三年啦。
其實我爸爸以前都有食煙,咁佢就一日食一包啦,咁突然間佢話可以話唔食就唔食架啦,咁我就覺得屋企人都做到,咁我會有更支持可以做到,咁佢有個樣板俾我睇佢,食咗十幾年煙話唔食就唔食,咁後生就冇理由輸比你架嘛。
自己既感受係...覺得慳返唔少錢,同埋個人健康左,同埋都會覺得幾自由,自己有份榮耀感喺度。”
意志力囉,最重要係意志力,成功嘅因素係意志力,同埋目標囉,即係你要諗你做乜戒囉真係。
個人檔案 : 阿珊(化名)
性別 :
年齡 : 18歲
開始吸煙年齡 : 14歲
吸煙數量 : 20支,週末達30支
吸煙原因
吸煙同學的引誘,與家人吵架後會吸煙以作發洩
戒煙次數
無數次
戒煙原因
節省金錢,做運動喘氣,想過健康生活,不想令家人及老師失望
強項
家人、老師和同學、教會朋友的支持
屋企人有講呀,戒煙好呀,健康好呀,阿婆阿公食左十幾年都戒左啦,你食幾年算咩啫?
參加左呢個計劃,想試下戒,一黎對我做運動都有幫助,我都中意做運動,跑步唔係好夠氣,就練唔好。
戒煙嘅時候,同學呀,朋友呀,屋企人最支持架啦,慳番D錢。
個人檔案 : 阿偉(化名)
性別 :
年齡 : 18歲
開始吸煙年齡 : 15歲
吸煙數量 : 20 支
吸煙原因
在朋友邀請下,在機舖試第一口煙,受朋友影響,久而久之無聊時會食,與朋友一起時會吸多一點;認為是減壓的一種方式
戒煙方法
*東華三院提供尼古丁貼及尼古丁香口膠;接受青少年戒煙輔導;做運動舒發情緒及減壓
戒煙原因
肺活量大大下降,感受到吸煙對健康的影響;尊重女朋友意見,女朋友曾表示如仍不戒煙便會分手
他人支持
女朋友支持戒煙;媽媽及朋友的鼓勵及大力支持
吸煙者對計劃的意見
青少年戒煙計劃起正面作用,讓吸煙者了解食煙的壞處,戒煙後的感覺 (退癮徵狀)。
*如有需要使用戒煙貼或戒煙香口膠,請先諮詢醫生或藥劑師等專業人士之意見。
之前戒煙有諗過食D低焦油嘅煙,就覺得應該會冇咁傷個身體,但係發現都係一樣嘅,冇好轉到,反而食多咗。
因為尊重,唔想因為咁嘅嘢(食煙)影響同佢(女朋友)嘅關係,佢影響力都好大。
我女朋友話我再食煙就同我分手啦。